Dantzan.com blog komunitatea

Sortu blog berria   Sar zaitez blogera

2011/09/07 12:20:37.533000 GMT+2

Hemen dira 2011ko Arrateko Amaren dantzak

Pasa den astelehenean azken ensaioa egin ondoren prest daude bihar, irailak 8rako, aurtengo Arrateko Amaren dantzak. Ohi bezala, goizean goiz hasiko gara arropak jantzi eta ospakizunaren ekitaldietan parte hartzen eta ondoren dantzen emanaldi nagusia izango da Arrateko zelaian.

Hiru gonbidatu

Aurten hiru gonbidatu izango ditugu Arrateko dantzetan bakarlari lanak egiten. Lapurditik Claude eta Jon Iruretagoiena aita-semeak etorriko zaizkigu. Tolosatik berriz Aritz Iglesias. Hirukote hau arduratuko da ezpata-dantzan eta trokeo-dantzan bakarlari lanak betetzeaz.

Gonbidatuen inguruan Arrateko kofradiako dantzariak, 40 inguru izango gara guztira, tartean aurten estreinatuko diren zenbait gazte eta aurreko urteetan gonbidatu bereziak izan ondoren, kofradiako kide diren beste zenbait. Eta musikari lanetan Usartza txistulari taldeko lagunak.

2010-09-08_Arrate_FL_4639

Egitaraua


Ordutegiak eta egitaraua ohikoak izango dira:
  • 11:00ean Meza Nagusia Arrateko santutegian. Bertan Arrateko ezpata-dantza dantzatuko dugu.
  • 12:00etan prozesioa gurutzera eta bueltan Arrateko ezpata-dantza Ama Birjinaren aurrean.
  • 12:30ean Arrateko Amaren dantzak zelaian: ezpata-dantza eta trokeo-dantzak (makila txikiena, makila handiena eta brokel-makilena).

Amerikar bat begira

Orain egun gutxi iritsi da gure artera Jeremy Carter-Gordon. Boston-dik Europara etorri da Europako ezpata-dantzak ikastera eta ikertzera. Frantzian eta Italian izan da aurreko hilabeteetan eta orain Euskal Herriko ezpata-dantzak ezagutu nahi ditu, eta Arratekoa izango da ikusiko duen lehenengoa.

Nork: kezka.2011/09/07 12:20:37.533000 GMT+2
Etiketak: trokeo-dantza 2011 arrate ezpata-dantza | Permalink | Erantzunak (0) | Errenferentziak: (1)

Errenferentziak:

...the past months he has been in France and Italy and now he wants to learn about the Basque sword-dance and Arratekoa will be the first stop. Original with pictures GA_googleAddAttr("AdOpt", "1"); GA_googleAdd...

Erreferentzia: An American! | Chasing the Star of Swords: Sword Dancing on a Watson Fellowship 2011/11/11 17:26:45.195000 GMT+1

Idatzi artikulu bat





Erantzun galdera honi erantzuna argitaratzeko:
Zenbat dira hamar gehi bi? (idatzi erantzuna zenbaki hutsez)



Kontagailua: | Ikusi estatistika osoak