Dantzariak Narros jauregian
Gipuzkoako Foru Aldundia argazki zaharrak sareratzen ari da Flickr-eko eta Argazkiak.org-eko bere kontuetan. Tartean, Zarauzko Narros jauregi aurrean egiten ari diren soka-dantzarena. Dantzarekin nolabaiteko zerikusia duten beste batzuk ere ageri dira galeria horretan: Garaiko Santiago eguneko prozesioa, Oñatiko Corpus-eko apostoluak eta pandero jotzaile eta trikitixa hirukotea.
Indalecio Ojagurenen bildumako argazkiak, Sigfrido Koch-en bildumakoak, Zarauzko argazki zaharrak... ehun argazki zahar inguru igo ditu Gipuzkoako Foru Aldundiak Argazkiak.org-en eta Flickr-en dituen bere kontuean. Tartean dantzarekin zerikusia duten batzuk. esaterako, Zarauzko Narros jauregi aurrean soka-dantza egiten ari diren dantzari hauena.
Argazkiaren azalpena hauxe: "Dantzariak Narros Jauregiaren aurrean. Urtea eta dantzen zergatia ezezagunak zaizkigu".
Zuzenean akaso ez, baina dantzarekin zeharkako zerikusia duten beste zenbait argazki ere topatu ditugu bilduma honetan. Esaterako, 1934. urteko Oñatiko prozesioko apostoluen hauxe.
Bizkaiko berri ere badugu argazki hauetan. Indalecio Ojagurenen bilduman hauxe topatu dugu: "Durangaldeko Garain Santiago prozesioa 1927. urtean".
Eta musikaririk gabe dantzarik ez dagoenez, data eta kokapen ezagunik gabeko trikitilari eta pandero-jole hauen argazkia ere interesgarria iruditu zaigu.
Erantzunak