Hemen zaude: Hasiera Komunitatea ikertb

Orain arteko ekarpenak

Dantzari Ttikien Jaiak 150 dantzaritik goiti bilduko ditu Iruñean

2013/04/11

Dantzari Ttikien Jaiaren hirugarren edizioa ospatuko du Oberena dantza taldeak igandean. Lau talde gonbidatu ditu besta eguna elkarrekin gozatzeko: Legazpiko Korosti, Berako Gure Txokoa, eta Iruñeko Muthiko Alaiak eta La Unica dantza taldeak. Oberenako tikiekin batera, 150 dantzaritik goiti bilduko dira Iruñeko Arrosadia auzoan. Aurten hautatutako lema Dantza, jalgi hadi plazara! izanen da, eta berrikuntzetako bati egiten dio erreferentzia. Ekitaldi nagusia ez da Oberena Kirol Elkartean izanen, kalean baizik, plazan. Oberena parean dagoen Galle enparantza aukeratu dute horretarako.

 

Egitaraua:

10:30 Harrera

12:00 Kalejirak Arrosadia eta Azpilagaña auzoetan

13:00 Dantza jaialdia Galle plazan

14:30 Bazkaria

16:00 Dantzaldia

 

Ibilbidea:



Ikusi Dantzari Tikien III. Jaia mapa handiago batean

 

Informazio gehiago Oberena dantza taldearen blogean.

Iker Tubia Barberia on Dantzari beteranoen taldeak, dantzaz gozatzen jarraitzeko aukerak

2013/02/22

Arrazoi duzu Aritz, contradictio in terminis kasu baten aurrean gaude. Ni ere ados nago, baterano edo zahar egokiagoa da. Gure kasuan, imajinatzen dut pentsatu ere ez zutela eginen dantzari ohien taldea (izen horrekin) sortu zutelarik.

Iker Tubia Barberia on Dantzari beteranoen taldeak, dantzaz gozatzen jarraitzeko aukerak

2013/02/20

Dantzariak izanen dira, bai. Dena den, talde beraren baitan hainbat talde sortzen direlarik adjektibo bat jartzea normala dela iduritzen zait. Gure dantza taldearen kasuan, dantzari ohien taldea deitu diogu, sortu zuenak horrela deitu zuelakoz, ez beste arrazoirengatik. Bestalde, dantzari tikien taldea, ertainen taldea (hori gutxiago erabiltzen badugu ere) eta nagusien taldea ere bereizten ditugu, baita gurasoena ere (nahiz eta hauena ikastaro bat baizik ez den).

Berez denak dira dantzari, noski, nire ikasleak ere ez dira ni baino gutxiago, dantzariak dira. Baina talde barnean banaketa horiek egin behar direlarik talde bakoitzari beti paratu beharko diogu adjektiboa.

Oberena dantza taldeak "Lizarren doinua" ikusgarria eskainiko du Burlatan

2012/11/12

Prest dira Amets eta Oinatz Lizarren gaitaren doinua libratzeko. Igande honetan, azaroaren 18an, Lizarren doinua ikusgarria taularatuko du Iruñeko Oberena dantza taldeak. Emanaldia Burlatako Kultur Etxean izanen da 18:30etatik aitzinera. Bertaratu nahi duenak sarrerak salgai ditu Oberena Kirol Elkarteko bulegoan eta Karrikiri euskal dendan. Helduek bost eurotan erosi ditzazkete, eta haurrek hiru eurotan. Bestalde, emanaldiaren egunean berean ere erosi daitezke sarrerak 17:30etatik aitzinera. Larunbatean Berako Kultur Etxean eskaini zuten Lizarren doinua Gure Txokoa elkarteak antolaturik.

Lizarren Doinua

Oberenako dantzari ttikien taldeak aurkezturiko obra da Lizarren Doinua, antzerkia eta dantza uztartzen dituena. 70. urteurrenaren karietara eskeini zuten lehenbiziko aldiz 2011ko azaroaren 19an, Nafarroako Antzerki Eskolan. Dantzariez gain, Oberena fanfarreak, Arrosadiako txalapartariek, gaiteroek eta Azpilagañako Gartxot Erraldoi Konpartsak ere parte hartu dute lan horretan. Bestalde, ikusentzunezko euskarriak ere baliatzen ditu obraren zati batean, Jon Garaik egindako marrazki bizidunei esker. Ezbairik gabe, Oberenako dantzari ttikiek egin duten proiektu handienetariko bat izan da hau. Lan mardula eskatu zuen, baina 70 urte betetzeak ez zuen gutxiagorik merezi.

Sinopsia:

Buruzagi maltzur batek munduko gaita guztien doinua bahitu du. Musika tresna hori jotzen saiatu zen, baina nahiko baldarra zenez, ez zuen lortu. Horregatik, azti baten laguntza izan du gaita guztiak isilarazteko. Baina mutiko batek aztiari aurre egin dio. Lizar du izena, eta arratsaldero arratsaldero bere gaita jotzen du soinua galdu ez dezan.
Egun batean, iturrira joatea ahantzi, eta aztiak Lizarren gaitaren doinua bahituko du; iturriaren barnean gatibu geratuko da. Oinatz eta Amets anai-arrebek misio bat izanen dute: Lizarren doinua askatzea. Horretarako erraldoiak herriko plazara eraman beharko dituzte, aurki hasiko diren herriko besten aurretik. Izan ere, hori da Lizarren doinua askatzeko modu bakarra. Amets eta Oinatz basoan barneratuko dira haien helburua lortzeko, eta hainbat abentura biziko dituzte.

Lizarren Doinua

2012/10/19

Lizarren Doinua

2012/10/04

Iker Tubia Barberia

Iruñeko Oberena dantza taldeko dantzaria naiz.