Euskal koreografoak Guggenheimen dantzan

Dantzaldiaren 8. ediziorako amaiera ekitaldiaren protagonista izango dira gaur Blanca Arrieta, Matxalen Bilbao eta Idoia Zabaleta koreografo eta dantzariak. Bakarkako lan bana aurkeztuko dute.

Komunikabidea
Berria

Mota
Albistea

Data
2007/12/11

Arrieta gasteiztarrak En La Ciudad de Los Angeles pieza dantzatuko du. Ciento cincuenta cuerdas konpainia propioa sortu zuen iaz. Egilearen arabera, lanean «gardentasuna eta komunikazio zuzena bilatzen dira, mugimendu zorrotz, delikatu eta zehatzaren bidez».

Mutis lana aurkeztuko du Bilbaok. Borja Ramosek propio sorturiko musika erabiliko du «espazioa ikertu eta zenbait muga esploratu» asmoz. Idoia Zabaletak biologia ikasi zuen dantza profesionalean hasi aurretik, eta zientziak eginkizun nabarmena du bere lanean. Gorputz Eremuak ikerketa gunea zuzentzen du Gasteizko Artium museoan. Fisura 2, 15 minutuko koreografia aurkeztuko du.

Dantza. 'Euskal Koreografoak'.
Lekua: Guggenheim museoa, Bilbo.
Noiz: Gaur, 20:30ean.

dantzan.com. Eduki hau lizentzia honen arabera banatzen da: Creative Commons License. Creative Commons License
Ilustrazioa
 
Kontagailua:
Ikusi estatistika osoak