Burdeosko Opera Nazionaleko «dantzari izar» izendatu zuten Igor Yebra (Bilbo, 1974), astelehen gauean, Casse-Noisette obran dantza egin ondoren. Thierry Fouquet Operako zuzendariak eta Charles Jude Opera horretako ballet zuzendariak eman zuten izendapenaren berri. Burdeosko Operan dantza egin aurretik, Espainian, Australian, Kuban, Venezuelan eta Argentinan ere dantza egin izan du Yebrak. Berekin batera Oksana Kucheruk ukrainarra ere izendatu dute «dantzari izar».