Urrirako  bi ekitaldi garrantzitsu antolatu ditu. Lehenengoa, 12an izango da Zerkausian, 21.15tik aurrera: bertso-afaria. Afari honetan, bi bertsolari garrantzitsu izango dute hitza: aski ezagunak diren Andoni Egaña zarauztarra eta Amets Arzallus gaztea.

Afarirako sarrerak salgai ipiniko dira larunbatetik (irailak 29) aurrera Tolosako hiru dendetan: Garikano, Kimetz eta Zunbeltz. Hauen prezioa 20 eurokoa izango da eta aforo maximoa, berriz, 200 pertsonetakoa. Sarrerak erosteko azken eguna urriak 8 izango da. Afarian, gainera, zozketa bat izango da: urriko beste ekitaldiarentzat, hilaren 19an Benito Lertxundik eskeiniko duen kontzertuan Leidor antzokian.

Bertan, taldetik pasatako dantzari gehienok parte hartuko dugu, lehenengo generaziotik hasita, oraingora, bostgarrena. Tolosako alde zaharrean zehar hainbat dantzaldi egingo ditugu 11:00tan hasita Plaza Zaharrean, Trianguloan amaitzeko 13:30ean.

Aipatzekoa da aurreko belaunaldiek egin duten lana beraien emanaldi txikiak aurrera emateko, astero astero ensaioak eginez. Horrela, belaunaldi bakoitzak hau dantzatuko du:

1. belaunaldia: Bedaioko ingurutxoa
2. belaunaldia: Larrain-Dantza
3. belaunaldia: Iturengo Soka-dantza, Iribasko ingurutxoa, Imotzeko esku dantza
4. belaunaldia: Lapurdiko ihauteria
5. belaunaldia: Fandango eta arin-arin berria

Ondoren, dantzari guztiak eta bertara hurbildu nahi duen guztiak bazkaria egingo dugu Jesusen Bihotzaren ikastolan (5€ txartela, Kimetz, Zunbeltz eta Garikanon salgai), arratsaldean musika egongo delarik.

Animatu zaitezte!

Denera 12 dantzari aurkeztuko dira, horietatik 3, Udaberriko dantzariak, Iñigo Iraola, Ion Vazquez eta Aritz Iglesias. Beste dantzariak Atarrabiako Iker Larunbe, Oiartzungo Eñaut Fernandez eta Imanol Etxebeste, Azpeitiako Jon Ibarguren, Beasaingo Iñigo Oiarbide, Legazpiko Jokin Oria, Beinat Olaizola eta Eñaut Auzmendi eta azkenik Lezoko Aritz Salamanca.

Dantzari guztiek  Ormatxulo, Aurkez-aurke (desafioa), Agurra eta Alpargata (axeri-dantza) eskeini beharko dituzte. Ondoren lehenengo 6ek zortziko batekin amaituko dute.

Iaz Ibon Uharte Oreretarrak irabazi zuen txapela, bigarren Aritz Salamanca eta hirugarren Urko Mitxelena izan zirelarik hurrenez huren.

Tolosako dantzariei dagokienez, Ion Vazquez-ek lehengo aldiz hartuk odu parte txapelketan, Iñigo Iraolak iaz hartu zuen parte eta 9. postua lortu zuen, Aritz Iglesias-entzat ordea 3. txapelketa da. 2004ean 8. postua lortu zuen Ion Maiak irabazi zuen txapelketan eta iaz 5. postua lortu zuen.

Besterik gabe bertara gonbidatzen zaituztegu gureak animatzera

Dagoeneko erakusketa, dantzari txikia, erromeria eta kanpoko dantza taldeen emanaldi bat egin dira.

1. Erkusketa: Erakusketari dagokionez, taldeko historia guztian bildu diren hainbat eta hainbat argazki izan ziren ikusgai Tolosako kutur etxean Otsailean zehar. Generazio zahar zein berrien argazkiak, batzuk txuri-beltzean, besteak koloretan... Denetarik ikusi ahal izan zen, ez bakarrik dantzari buruzkoak, baita afari, despedida...-tan ateratako argazkiak.
2. Dantzari txikia: Martxoaren 31ean ospatu zen eta Tolosako kaleetan zehar 200 haur dantzari ibili ziren abzter guztiak alaitzen. Galdakaoko Andra Mari, Portugaleteko Berriztasuna, Gasteizko Adurtza eta Eguzkilore, Leitzako Aurrera eta Tolosako Udaberri dantza taldeak aritu ziren. Goizean kalejira jendetsu bat egin zen eta arratsaldean emanaldia, baino emanaldiaren erdian eguraldiak ezezkoa esan eta bertan behera utzi behar izan genuen emanaldia. Euriak aparizioa egin behar izan zuen.Ala ere egunaren balorazioa oso ona izan zen.
3. Erromeria: Dantzari txikia amaitutakoan erromeriari hasiera eman zitzaion, triki-poteo baten bitartez. Ondoren afaria izan zen eta dantzaldia Patxi Perez-en laguntzarekin. Nahiz eta oso jendetsua ez izan, giro alaia eta dantzatzeko gogo asko zeudenez festa politta izan zen.
4. Kanpoko dantza taldeen emanaldia: joan den asteburuan izan zen, Galdakaoko Andra Mari dantza taldea eta Maule eta Arrokiagako dantzariak izan ziren gonbidatuak. Jende gutxi hurbildu zen Beotibar pilotalekura baino ala ere  bertan zirenak gozatu ederra hartu zuten Bizakaiko zein Xuberoako dantza sorta ederrekin.

Hemendik aurrera, hainbat ekintza daude aurreikusirik, alanola, bertso-afaria eta urteurrenari amaiera emateko emanaldi nagusia.