Nafarroako Cortes herrian dantza hutsa baino gehiago da paloteadoa
Antzerki errituala, kritika soziala, musika eta dantza biltzen dituzten ekitaldiak dira mota honetako paloteadoak. Nafarroako dantzen munduan, tradizio eta izen handienetakoa duena da Corteseko paloteadoa, XIX. mendetik aurrera etenik gabe dantzatu dena.
Corteseko paloteadoan garrantzi handia du antzespenak; rabadán (artzaina), mayoral (artzainen nagusia), aingerua eta deabrua ditu protagonista, eta gaizkiaren eta ongiaren inguruko koplak kantatzen dituzte; betiere, urte horretan herrian gertatutakoak jasotzen dituztenak.
San Miguel egunean, irailaren 29an, aurkeztu ohi da Cortesen paloteadoa. Cortes bertako Yona taldeak aurkeztuko ditu dantzok. Talde gaztea da, orain bederatzi urte sortutakoa, baina handituz joan dena. Gaur egun Nafarroa osoan jasotako dantzak nahiz Euskal Autonomi Erkidegokoak dantzatzen dituzte.
Nazioarteko Makila-dantzen jaialdian parte hartuko du:- Maiatzaren 19an Eibarren
- Maiatzaren 20an Eibarren
Idatzi artikulu bat