Dultzaina eta danbor soinuek gidatuta, Ablitaseko
dantzariek Rosarioko Ama Birjinari ohorezko makila-dantza eskaintzen diote
urtero, urriko lehen asteburuan.
1994. urtean sortu zen Ablitaseko Makil-Dantzen Lagunen Elkartea eta urte berean berreskuratu zuten Ablitaseko paloteadoa.
Beste hainbat paloteadoren antzera, bertsotan
aurkezten duten antzezpen moduko bat da aipatutako paloteadoa. Saioan zehar, rabadának
(artzainak), mayoralak (artzainen nagusiak), aingeruak eta deabruak
Ablitasen gertatutakoak kontatzen dituzte koplatan. Eta antzezpen saio horien
artean dantzan egiten dute dantzariek: kalejirak, balsak, eskaintzak,
zinta-dantza, arku-dantza eta bukatzeko giza-dorrea. Guztiak mutilek egindako
dantzak dira. Neskek, berriz, saioari hasiera ematen diote kalejira
batekin.
Ablitaseko Makil-Dantzen Lagunen Elkarteak lanean dihardu azken hamahiru
urteotan, eta berreskuratu dituzten makila-dantzen artean Rosarioko
Amabirjinari egindako ohorezko makil-dantza eta Plego dantza daude
(azken hori apirilaren azken asteburuan dantzatzen da).
- Maiatzaren 19an Iruñean
Idatzi artikulu bat