Kezka Dantza Taldea

San Anton eguna igandea tokatu da aurten, eta beraz, jai egun nagusiarekin bat egin du festak urtarrilaren 17an Eibarko Azitain auzoan. Meza nagusian txistuarekin lagundu zuten ofertorio garaian Andoni Altzibar eta Roberto Altzerrekak, eta ondoren, konsagrazio ostean ezpata-dantza egin zuen Oier Ibarbiak.

Meza ostean omenaldia egin zitzaien adineko auzotarrei eta segidan soka-dantza burutu zen, Oier Araolaza eta Oier Ibarbia aurresku eta atzesku lanetan, eta Anartz Fernandez eta Ander Garitagoitia zerbitzari lanetan aritu zirela.

• Soka-dantza Azitainen San Anton-etan 2010. Argazkiak: Ainhoa Larrañaga.