Kezka Dantza Taldea

Elirale konpainaren Lodikroko eskainiko da datorren larunbatean, urriaren 10ean Eibarren, Coliseo antzokian. 1eta 6 urte bitarteko umeentzat zuzendutako dantza ikuskizuna da Lodikroko, Amaia Hennebutte-Millard-en izen bereko liburuan oinarrituta dagoena eta Pantxika Telleriak taularatu duena.

Liburua zabaldu eta bizitzen hasten denean... ...orriak itzuli eta... ...gorputza, dantza eta haurtzaroaren espazioak irekitzen dira. Hitzen erritmoan, testuaren musikaltasunak gorputzak biziarazten ditu. Musikaratzeak eta mugimenduak Amaia Hennebutte-Millard-en haur-kanten poesia agerian jartzen dute. Ametsaldi bat, haurtzaroaren mundu sentiberan murgiltze bat...

Dantzaria: Célia Thomas.
Antzerkilaria: Joxelu Berasategi.
Musikaria: Jesus Aured.
Taularatzea: Pantxika Telleria, Amaia Hennebutte-Millard.
Akzesorio sortzailea: Annie Onchalo.
Jantzi sortzailea: Karine Prins

1-6 urteko umeentzat
Iraupena: 30 minutu.

Lodikroko

• Urriak 10, larunbata
• Bi emanaldi: 17.00etan eta 18.00etan
• Coliseo antzokia, Eibar
• Sarrerak salgai (3 €)