Kezka Dantza Taldea

Aurten bai, aurten eguraldia lagun joan zen aurrera Eibarko Dantzari Eguna. Kezka Dantza Eskolako ikasleentzat kurtso bukaerako jaialdi nagusia izaten da emanaldi hau, eta Kezka dantza taldeko dantzarientzat urtean zehar prestatutako errepertorio nagusia jendaurrean aurkezteko data. Aurten Lapurdiko inauteriak eskaini ditu nagusien taldeak. Kaskaroten martxa, makila-txikien dantza, Agur Eztebe, dantza-luze eta Betti Beteluk prestatu zuen fandangoa.

Kezka Dantza Eskolako ikasleentzat ikasturte bukaerako emanaldia izaten da Eibarko Dantzari Eguna. Urtean zehar ikasitako dantzak aurkeztu eta dantzatzen dituzte egun horretan. Dantzen doinuak jartzen Kezka dantza taldeko txistulariak, Jainaga eta Narbaiza trikitilariak, eta Marisol Arrillagak gidatuta Juan Bautista Gisasola Musika Eskolako soinu eta kitarra talde bat aritu ziren. Hauxe da 2007ko ekainaren 15ean Untzaga Plazan eskainitako emanaldiaren egitaraua:         

• M-N-99
• Arizkungo sagar-dantza
• Lantzeko zortzikoa
• M-N-2000
• Olagueko esku-dantza
• Jean Petit qui danse
• N-96-97
• Arietarras-eko zinta-dantza
• Fandango eta arin-arina
• M-94-96-97
  
• Lesakako dantzak
• N-94-95
• Gipuzkoako zinta-dantza
• Uztai handien dantza
• N-98
• Eltziego eta Ekorako dantzak
• N-91-92-93
• Neskatxen esku-dantza
• Fandango eta arin-arina
  
• Top
  
• Lapurdiko inauteriko dantzak
• Denok
• 7 jauzi    
  

Felipe Loyolak, Fernando Retolazak eta Iñaki Zugastik ateratako argazki sorta ederra dago flickren.