Dantzan.com blog komunitatea

Sortu blog berria   Sar zaitez blogera

2010/01/11 15:27:40.419000 GMT+1

Argia: ibilbidea eta ekarpenak

Donostiako Argia dantzari taldearen ibilbidea, oinarriak eta ekarpenak ezagutzeko aukera izan genuen Juan Antonio Urbeltz eta Iñaki Arregik eskainitako "Argia, oroimenaren haritik" ikastaroan. Ikastaroak bi saio teoriko izan zituen Dantzagunean, abenduaren 1ean eta 9an, eta bien artean, abenduaren 4an, Victoria Eugenian eskaini zen Axuri-beltza ikuskizuna ikusteko aukera izan zuten ikasleek.



Argia dantzari taldearen gidaritza 1966an hartu zuen Juan Antonio Urbeltz-ek, eta garai horretan euskal dantzaren egoera zein zen deskribatu zuten. Gerra-osteko giroa, erreferentzien galera, dantza-maisuen aro bukaera, dantza-taldeak, txapelketak, alardeak, manierismoa, e.a. Giro horretan lan teoriko eta praktikoa uztartuz, sustraietara  jotzearen garrantziaz ohartzen da Argia eta Oteiza edo Caro Baroja moduko laguntzaileen babesarekin, dantza tradizionalaren ikuspegi berri bat ekarriko du plazara eta antzokira.



Lehen urteetako tokian-tokiko bilketa lan etnografikoa izugarria izango da: Berriz, Oñati, Lesaka, Baztan, Lizartza, Bedaio, Lasarte-Oria, Malerreka, Leitza, Iribias, Imotz, Auritze, Aezkoa, Azkarte, Uharte Garazi, Makea,... Azken dantza-maisuekin zuzenean ikasteko aukera izan zuten: Ignacio Gordejuela, Alejandro Aldekoa, Etxahun Iruri, Faustin Bentaberri,...

Euskal Herriko tradizioa ongi ezagutzeaz gain, Europako markoa aintzat hartu behar dela ikusten dute Argiak arduradunek, testuinguru horretan garatu baita gure tradizioa eta harreman horien zantzuak behin eta berriz ageri baitira gure folklorean. Ez gara isolatuta izan.



Bilketa lan horiek ikuskizunen bidez zabaltzen eta ezagutzera ematen joan ziren, baita emanaldi monografikoak eginez ere: Nafarroa (1970), Gipuzkoa (1972), Lapurdi (1974), Zuberoa (1978),... 1986tik aurrera bildutako materialekin ikuskizunak prestatu ditu Argiak: Irradaka, Zortziko, Muriska, Alakiketan, Kondharian, Pas de Basque, Axeri-boda, Axuri-beltza.

Tradizioa eta sorkuntzaren arteko mugak non dauden galdetu zuten Urbeltz eta Arregik, eta sorkuntzari buruz beraiek duten jarrera aurkeztu zuten.

Nork: DantzanIkasi.2010/01/11 15:27:40.419000 GMT+1
Etiketak: urbeltz argia iñaki-arregi | Permalink | Erantzunak (0) | Errenferentziak: (1)

Errenferentziak:

... ikusteko aukera izan zen. Argiaren ikastaroaren aurkezpena eta kronika.

Erreferentzia: Ikastaroen biharamunean errepasoa - Dantzan Ikasi 2010/01/25 15:41:12.364000 GMT+1

Idatzi artikulu bat





Erantzun galdera honi erantzuna argitaratzeko:
Zenbat dira hamar gehi bi? (idatzi erantzuna zenbaki hutsez)



Kontagailua: | Ikusi estatistika osoak