Iruñeko ferietan...

"Aupa Aritz! Folklore jale baten an-dantzak" izena jarri diote San Ferminak bitarte Berria egunkarian eginen dugun sekzioari. Kronikek nire sinadura badaramate ere ez dira nik idatziak, kazetariak nik erantzundakoarekin idatzitakoak baizik.

Hartara, baliteke erru txikiak egotea eta horiek zuzentzeko erabiliko dut bloga.

Gaur, uztailaren 6an Iruñerriko talde guztiok egiten dugun dantza emanaldiari buruzko informazioa agertu da sekzio horretan. Kazetariak idatzi zuen:
 
Guk, gainera, gure giro propioa izan dugu, eta jadanik guretzat ohitura eta folklore bihurtzen ari diren dantzak ere egin ditugu: plazara irten baino lehen, Foruen plazako tunelean, beste dantza taldekoek guri kanta polit bat abestu digute, eta guk dantzatu egin dugu: Ya llego el verano, ya llego la fruta, el que no se agache, baila en el Ayunta!. Hori kantatzen duten bitartean makurtzen ez denak hurrengo dantzaldian udaletxean dantzatu behar du. Oso ongi pasatzen dugu, eta dantzatzera atera aurretik, gogotik egiten dugu barre.

Kontua ez da horrela zehazki. Gauza da gure taldeko zenbaitzuk Iruñeko Udal dantza talde gisa aritzen garela San Ferminetako prozesioetan eta beste bizpairutan. Beste talde batzuei ez die horrek grazia handirik egiten (udalaren aginduz ezin baitugu ikurriñarik atera ekitaldi horietan) eta gu zirikatzeko edo Ya llego el verano, ya llego la fruta, el que no se agache, baila en el Ayunta! abesten digute.

Hori ere folklorea izanen da!
Umorez hartzen dugu kontua.