Aurtengoa errekorra izan omen da eta 36.500 lagun bildu dira Stonehengen Udako solstizioari ongi etorria ematera. Goizeko bostetan, eguzkia irtetear zegoela, inguru guztiak kolapsatu dira. Druidaren zeremoniak eta  morris dantzarien ekinaldiak izaten dira ekitaldi ia-bakarrak. Eguzkiaren iratzartzea izan ohi da interes gune nagusia. Hala ere, bestelakorik ere izango da, poliziak 37 lagun atxilotu baititu, liskarrak sortu eta droga kontuekin.