Hemen zaude: Hasiera Albisteak Miguel Angel Sagasetaren "Danzas de Valcarlos" pdf-an

Miguel Angel Sagasetaren "Danzas de Valcarlos" pdf-an

2009/04/06 15:29
Aspaldi agortutako liburua da Sagasetak Luzaideko dantzen inguruan idatzi zuena. 1977an argitaratu zen eta Luzaide zein Nafarroa Behereko dantzetarako erreferentzia onena da ordutik. Baina liburua, agortuta dagoenez, ez da erraza eskuratzea. Horra bolantak ikustera joan aurretik irakurtzeko liburu mamitsua, pdf formatoa, edonoren eskura.

Igandean, pazko egunez, aterako dira dantzara bolantak Luzaiden. Miguel Angel Sagasetak "Danzas de Valcarlos, Navarra liburuan Luzaideko dantza bilduma eder bat argitaratu zuen: "Luzaiden zazpi urtez, ikusi, entzun eta xerkatu dudanaren laburpen bat baizik ez da lan hau.".

Luzaideko martxak, bolant-iantzak, antrexatak, jauziak, segidak iantza-luziak eta kontra-iantzak biltzen ditu Sagasetaren liburuak, bere doinuen partiturak, jauziak dantzatzek urratsak eta taldea osatzen dutenen deskribapenarekin.

Espainiako Liburutegi Nazionalari esker Miguel Angel Sagasetaren liburuaren kopia digital  bat eskuratu dugu, eta agortutako liburua denez, hemen jarriko dugu denon eskura. 20 Mb-eko pisua duen pdf bat da, beraz, zuzenean ireki beharrean zuen ordenagailura jaistea gomendatzen dizuegu.

 

 

Erantzun

Erantzuna emateko identifikatu egin behar zara, gure webgunean erabiltzaile bat sortuz edo zure Twitter edo Facebook kontua erabiliz.