Hemen zaude: Hasiera Albisteak Nik ere babesten dut dantzan.com

Dokumentuaren akzioak

Nik ere babesten dut dantzan.com

Duela hilabete batzuk dantzan.com martxan jarri ahal izan bazen ere, honen jarraipena ez dago inola ere ziurtatua. Ahaleginak ahalegin, diru-iturriak murriztu dira, eta egoera honen aurrean, inguruan bildu garen babes-taldekook beharrezkotzat jo dugu gure babesa ekonomikoa ere izan dadin urratsa ematea.
  • Baliagarria eta beharrezkoa zaigula erakusteko.
  • Erakundeei erabiltzaile eta zaleon inplikazioa ikustarazteko.
  • Babesleon lotura eta parte-hartze sentimendua indartzeko.
  • Diru-sarrera zuzenak suposatzen duen bultzada baliatzeko.

 

Kuotak

Kuota hauek proposatzen ditugu, bakoitzak nahi eta ahal duen neurrian lagundu dezan:

  • Norbanakoen gutxieneko kuota: 12,00 euro / urte
  • Norbanakoen kuota arrunta: 50,00 euro / urte
  • Elkarte / Erakunde / Taldeen gutxieneko kuota: 100,00 euro / urte
  • Borondatezkoak: kopurua norberak aukeratu

 

Gurekin bat baldin bazatoz, egin zaitez babesle. Eta lagundu iezaguzu deialdi hau zabaltzen. Denon artean aurrera aterako dugu. Bete ondoko formularioa eta e-postaz jasoko duzu babesle izateko gainontzeko datuen eskaera.

dantzan-bizi-sinadura-02.jpg

2013/03/05 13:44
Guk ere babestuko dugu dantzan.com, baina hala ere ez dugu ematen digun zerbitzu guztia ordainduko.
Animo eta aurrera!
2013/03/05 14:14
Ongi dago instituzioei kultur jarduerak babes ditzaten exijitzea, besteak beste, haien eginkizuna ere badelako, baina dantzazaleok ere badugu gure erantzunkizuna dantzan.com bezalako zerbitzu izugarri baliotsu batekin. Guk ere gure babesa eman diogu!
2013/03/08 19:52
Dirutan jarrita, zenbat balio du dantzan.com-ek eskaintzen diguna? Ze ordain mereziko luke?

Hilean euro bat? (gutxieneko kuota = 12 euro / urte)
Hilean lau euro? (kuota arrunta = 50 euro / urte)
Hilean 8,33 euro? (100 euroko kuota)
...

Horrenbesteraino bai, ezta? Seguru asko gehiago ere bai. Balio handia, preziorik ez.

Galdera egokiagoa, akaso: Ze galera izango litzateke dantzan.com galtzea?

Zuk baloratu... eta jokatu.

Nik ere babestuko dut dantzan.com. Ea bada, guztion artean bizirik mantentzea lortzen dugun!!

Erantzun

Erantzuna emateko identifikatu egin behar zara, gure webgunean erabiltzaile bat sortuz edo zure Twitter edo Facebook kontua erabiliz.

Erlazionatutako elementuak
Ni ere dantzan.com bizi naiz