Libertimendua Kanalduden: bolantak, bertsoak eta zirtzilen jokoak
Donibane Garazi eta Donapaleuko Libertimenduen inguruko erreportajea prestatu du Kanaldudek. Antton Luku eta Mattin Irigoien elkarrizketatu ditu Iban Lamarquek eta 2010eko bi emanaldietako irudiekin osatu dute saioa. Iñaki Etxelekuk eman digu Kanaldudek argitaratu dituen bideo hauen berri.
Dantzari izana, idazlea eta irakaslea, Libertimenduaren berpiztea sustatu du Antton Lukuk Donibane Garazin. Mattin Irigoien idazle eta antzerkigileak Garaziko ereduan oinarrituta beste horrenbeste egin du Donapaleun. Libertimendua zer den, dantza, bertsoak eta zirtzilen jokoak, inauteriak, ospakizun horien funtzioak eta beste hainbat kontu interesgarri aipatu dituzte Lukuk eta Irigoien-ek elkarrizketan. Libertimenduetako irudiekin osatzen da saioa. Bi zatitan prestatu du Kanaldudek emanaldia:
Leihotik : Libertimenduak (1.partea)
Erantzunak